„ბერი ანდრიას სახელობის საქველმოქმედო ფონდი“ და კომპანიები გააფორმებენ მემორანდუმს „კამპანია 131“-ის განსახორციელებლად. მემორანდუმის ფარგლებში, კომპანიის წარმომადგენლები იზრუნებენ, რომ კამპანიაში ჩართულმა თითოეულმა თანამშრომელმა ჩარიცხოს 1 ლარი ფონდის ანგარიშზე. ეს გულისხმობს კამპანიის აქტიურ შიდა პიარს (ელ-ფოსტითა და სხვა საშუალებებით), თანამშრომლების ინფორმირებას ყოველი 13 რიცხვის წინ და ა.შ.
ფონდი მთელი წლის განმავლობაში, ყოველთვიურად განახორციელებს აქტიურ პიარ კამპანიებს და სტაბილური პარტნიორი კომპანიები ნებისმიერ ღონისძიებაში ჩაერთვებიან, რაც მათი მაღალი სოციალური პასუხისმგებლობის წარმოჩენას გულისხმობს.